Umsagnir

Kæra Ósk

Hvað hefur breyst ?

Bókstaflega allt.
Núna ber ég virðingu fyrir mér, er mildari við mig og eyða tíma mínum í að hugsa um jákvæða hluti, hvernig ég ætla að koma næsta draum í verk.
Áður leið mér oft illa, var pirruð, neikvæð og þreytt – núna er ég spennt glöð og bjartsýn. Hlakka til að vakna næsta dag.

Nokkrir aðilar í kringum mig höfðu mikil áhrif á líðan mína en þau samskipti eru allt önnur og ég finn að þau lagast með hverjum deginum líka það er eins og áhrifin frá þessum fróðleik haldi áfram að síast inn.
Hvað vil ég núna ?
Ég er komin á þá niðurstöðu að fyrir mig verði dýrmætast að gera fjölskylduna sterkari eyða meiri tíma með þeim því ég verð ævinlega þakklát fyrir að við erum sameinuð á ný. Það er algjörlega þessari þerapíu að þakka.
Bestu þakkir
Jóna

Elsku elsku besta Ósk – ég ætla að reyna að lýsa því hvað þú GEFUR mikið og jákvætt af þér þegar þú sendir svona línur. Ég vona að ég komi því í orð 🙂

Sko….. ég var að vakna þegar að ég las tölvupóstinn. Linsulaus og því sjónlaus með öllu, teygði mig í símann til að sjá hvað klukkan væri og las tölvupóstinn frá þér um leið. Á fyrstu augnablikum dagsins var því búið að innsigla góðan dag framundan: Mér leið dásamlega, þetta var svo falleg lesning og góð hvatning, ég svo glöð og ánægð.

Síðan eru nokkrir dagar liðnir. Ég var allan tíman ákveðinn í að svara þér með fallegum tölvupósti en hef hreinlega verið að njóta þess að sitja ekkert við tölvuna.
Það sem skeði hins vegar var að tölvupósturinn þinn fór í úrvinnslu.Og ég fattaði að ég hef svo miklu miklu miklu meira að þakka fyrir en ég hafði áttað mig á.

Því talandi um ljós og alheiminn og ævintýri og fallegar gjafir jeminn eini.
takk R. S.

Hvað hefur breyst í mínu lífi frá því ég byrjaði að læra að elska mig.
-Ég er meðvitaðri um hver ég er og hvernig ég vil vera.
-Ég þori að vera ég, mér fannst ég vera það áður en ég byrjaði í þessu námi en áttaði mig á hversu oft ég haga mér þannig að fólki líki við mig og passa mig á að stíga ekki á tærnar á neinum, sem sé alltaf að geðjast öðrum.
-Ég skil muninn á því þegar hjartað eða innsæið talar til mín eða þegar ég er að hugsa/ákveða eitthvað sem hentar betur að mínu mati en hefur marg oft sýnt mér að það endar alltaf með leiðindum. Hjartað veit best en ég þorði hvorki né kunni að hlusta og skilja hvað það var að segja mér.
-Mér finnst ég kærleiksríkari í samskiptum og þá sérstaklega við sjálfa mig, því fylgir meiri virðing og vellíðan.
-Laus við fordóma  það eru ólýsanleg auðævi að sjá fegurðina í öllum.
-Hamingjusamarai, sáttari, glaðari og ástfangin af lífinu.
kærleikur.
Ólöf

Ég fór á námskeiðið hjá Ósk eftir ábendingu og ég varð ekki fyrir vonbrigðum. Námskeiðið var hreint út sagt stórkostlegt. Ég hefði viljað fara á það þegar ég var miklu yngri.
Mér finnst að það ætti að kenna svona þerapíu í öllum skólum landsins.
Ég lærði um sjálfan mig og á sjálfan mig, ekki síst í gegnum aðra.
Ég lærði m.a. að maður á að vera heiðarlegur við sjálfan sig ekki síður en við annað fólk og treysta innsæinu, en mesta breytingin er að treysta á alheiminn og trúa og ekki síst að manni er raunverulega farið að þykja vænt um sjálfan sig.
Þegar það gerist breytast svo margir hlutir í kringum mann og þá fer maður að gefa….
Það hefur svo ótrúlega margt ræst.
Ósk er yndisleg og alltaf með svör á reiðum höndum og það er svo gott að leita til hennar og læra af henni.
Þetta er alveg ómetanlegt,
Kærar þakkir.
Ingvar

Þegar ég kom til þín elsku Ósk þá var ég ekki á góðum stað, ég var eiginlega búin á því bæði líkamlega og andlega.
Ég hafði verið að skrolla á netinu þegar ég rakst á auglýsingu frá þér um þerapíuna Lærðu að elska þig. Ég vissi strax að ég ætti að hafa samband við þig ég vissi líka að ú gætir hjálpað mér, hafði kynnst þér fyrst á Balí þar sem ég átti yndislegar ómetanlegar stundir með þér.
Þú tókst mig að þér í þerapíuna þína og VÁ !
Það sem þú ert aldeilis búin að kenna mér.
Þú hefur opnað augu mín fyrir sjálfri mér, hjálpað mér að sjá kosti mína og galla og skoða hvað ég get gert frá öllum hliðum. Og þá hvernig ég hugsa til mín skiptir miklu máli. Já þú eiginlega kynntir mig fyrir sjálfri mér.

Ég er rólegri inní mér, yfirvegaðri og einhvern vegin öruggari með mig. Og það sem skiptir svo miklu máli er að ég er farið a ðstanda betur með mér.
Ég get kannski stundum gleymt mér en það stendur ekki svo lengi yfir.
Ég er þakklát fyrir hvern dag og hvað hann kennir mér.

Birna B

Ég var farin að háskæla í bílnum löngu áður en ég renndi í bílastæðið fyrir utan hjá henni.

Ég sat í augnablik útí bíl og reyndi að laga ummerkin eftir gráturinn og anda í mig kjark.
Hvað er ég eiginlega að gera hérna, eins og einhver blá ókunnug kona geti lagað þessar hörmungarsögu sem lífið mitt er.

Ég tók í hurðahúninn en hætti við var um það bil að ræsa bílinn og aka í burtu ég var hvort eð er orðin of sein þegar kona kemur gangandi fram hjá bílnum og það var eitthvað við útgeislunina hjá henni sem snerti mig.

Ég vildi að ég væri svona, af hverju fékk ég þetta ömurlega líf.

Það var einmitt brosið hennar sem fékk mig til að skipta um skoðun það var bókstaflega hlaðið umhyggju, kærleika og einhverju sem ég skildi ekki þá en litla brosið sem ég kreisti fram var nóg til þess að ég reis upp.

Í mesta lagi fimmtán mínútum seinna er ég aftur hágrátandi að segja frá öllum þeim hörmungum sem hafa dunið á undanfarið.

Ókunnuga konan hlustaði á mig með svo mikilli hlýju að ég sagði henni frá hlutum sem ég hef ekki sagt nokkrum manni frá og á milli þess sem ég snýtti mér hugsaði ég hvað væri eiginlega að mér að vera að moka þessu öllu út.

Það eina sem ég vissi um þessa konu var að hún hafði hjálpað vinkonu minni að komast af frekar vondum stað en mér fannst ég vera í miklu verri aðstæðum og þessi kona gæti sennilega ekki hjálpað mér, það er ekkert hægt.

Þegar hún loksins komast að segir hún, vá merkilegt hvað það er til mikið af mögnuðum og svakalega sterkum konum hér á Íslandi, konum eins og þér svo þrautseigar og hugrakkar.  Hugsaðu þér, hér situr þú búin að ganga í gegnum þetta allt og ert með þvílíkan styrk til að segja mér frá þessu og tilbúin til að takast á við þetta.
Það var kona hjá mér áðan að segja mér svo svipaða sögu og þið standið keikar.
Mér varð hugsað til konunnar sem gekk fram hjá bílnum mínum stutt áður, hún var kannski keik en ekki ég, nei það getur ekki hafa verið hún, hún var svo geislandi, það hrjáði hana ekkert. Óhugsandi að hún hafi þurft að vera hér

Það var bara nokkrum vikum fyrir þennan tíma sem ég áttaði mig á því að ég er í hjónabandi sem er hvorki fugl né fiskur. Engin svakaleg leiðindi en það vantar samheldni, sameiginlegan áhuga á hvert öðru og þessari einingu, ég var einmana og farin að kvíða næstu árum, ekki bara næsta degi ég hugsaði með hryllingi um hvar ég yrði eftir 10 ár eða svo.

Ég skildi líka að ég var föst í þessum aðstæðum því ég er ófær um að hugsa um mig.Við hjónin rákum fyrirtæki fram að hruni, sem við erum enn að súpa seiðið af.
Fjárhagslega gjaldþrota og eiginlega andlega líka.
Sonur minn valdi erfiðu leiðina og mér finnst það alfarið hvíla á mér að sinna honum maðurinn minn er ekki pabbi hans og varð fráhverfur honum þegar vandræðin byrjuðu, blóðfaðir hans hefur aldrei verið til staðar fyrir hann.

Mér finnst ég skríða áfram gjörsamlega búin á því, líklega búin að vera í mörg ár í afneitun fyrir því hvernig hlutirnir eru. Sennilega er ég búin að hamast við að láta engan sjá að það sé eitthvað að hjá mér og ekki leyfa mér að sjá sannleikann.
Ég er búin að vera í skömm svo lengi, mér líður ömurlega, er á hræðilegum stað.
Af hverju var ég ekki löngu búin að sjá þetta nú var allt orðið helmingi verra.

Um leið og ég var búin að lýsa hörmungunum fyrir henni varð mér aðeins létt og tárin hætt að streyma, ég farin að anda eðlilega og hún horfir á mig í smá stund og spyr svo,
flokkar þú rusl ?

Ha flokka ég hvað ?

Rusl

Meinaru plast og pappír – já ég er með þrjár tunnur.

Frábært, þá verður þetta ekkert mál, þú skilur við þurfum bara að flokka ruslið þitt í viðeigandi tunnur svo förgum við því í réttri röð.

Allt í einu er ég farin að skellihlæja, hún er með ferlega smitandi hlátur og þá finn ég hvernig þungu fargi er af mér létt.
Í alvöru getur það verið að mér líði töluvert betur, strax.

Hún heldur áfram og segir, það er svo mikill léttir að vita að það er hægt að laga þetta allt saman, það er gríðarleg hreinsun búin að eiga sér stað nú þegar, grátur og hlátur og trúðu mér þú getur lagað þetta ef þú getur lifað við þetta. Það þarf töluvert meiri innri styrk til þess að vera á svona vondum stað heldur en að breyta þessum aðstæðum.

Já en fortíðin mín er hræðileg! það var eins og ég gæti ekki alveg leyft mér að upplifa sæluna sem var þó að hríslast um mig, ég varð að týna til einhverja afsökun, eitthvað neikvætt eins og ég væri að kaupa mér frest og fá að vera aðeins lengur vonlaus.

Á meðan ég romsaði því út úr mér að hún skildi ekki umfangið í hörmungum mínum, skrifaði hún eitthvað í bókina sína, lítur svo upp og horfir þétt á mig og segir
þá bara breytir þú fortíðinni…

Þessi tími er eitt af því svakalegasta sem ég hef upplifað, ég spilaði hann í huga mér margoft á dag í næstu þrjár vikur en þá var næsti tími og hver einn og einasti tími varð ein stórfengleg upplifun útaf fyrir sig.

Eflaust þykir þér lesandi góður jafn ólíklegt og mér að það sé hægt að breyta fortíðinni ansk…vitleysa, en jú ég varð að éta það ofaní mig.
Ég get hugsað til baka án þess að fá hnút í magann
Ég er ekki lengur gjaldþrota

Ég nýt lífsins

Ég er hamingjusöm
Ég er óhemju þakklát fyrir allt sem ég hef mátt þola.
Þegar ég skildi hvaða áhrif þessi hlutir höfðu, ef ég skoðaði þá frá öðru sjónarhorni þá gjörbreyttist allt rétt eins og þú lofaðir mér. Takk fyrir þig elsku Ósk.
Sigríður Sig

Kæra Ósk

Frábært takk fyrir!

Kæra Ósk

Ég verð að deila með þér mínum sigrum undanfarið en þeir hafa verið töluvert meira áberandi uppá síðkastið en á netnámskeiðinu sjálfu. Ég veit ekki hvort ég tók bara ekki eftir breytingunum þá en núna eru þær svo áhrifaríkar að þær fara ekki framhjá neinum í kringum mig.

Þannig er að ég var á netnámskeiðinu Lærðu að elska þig í apríl 2019 ég varð svo til kjaftstopp þegar ég fattaði hvað það er hægt að breytast mikið án þess að finnast það erfitt.
Það er alltaf að koma betur í ljós breytingarnar á mér og nú síðast í fyrradag. Ég fékk hræðilegar fréttir sem ég ætla ekki að ígrunda hér því það sem skiptir mestu máli er að ég leyfði mér að finna hversu sárt þetta var og mér til undrunar þá fann ég svo fljótt þakklætið ( yfir erfiðum atburði ) án þess að þurfa að finna uppá því. Ég held að þú kallir þetta að vera orðin það sem maður er að læra og það kom mér svo í opna skjöldu að ég hef ekkert haft fyrir því að komast á þennan stað. Ég finn algjöran frið og traust hjá sjálfri mér og gaf mér tíma til að syrgja en er svo hissa á hvað mér líður vel þetta er ekki að taka sama toll og svona atburðir gerðu.
Ég hef oft orðið heilsulaus þegar eitthvað kemur fyrir því taugakerfið mitt þolir ekkert álag.
Ég hef líka geta verið til staðar fyrir börnin mín með einstaka nærveru og umhyggju, áður hefði ég þurft lyf til að komast yfir svona.
Það er ekkert smá gott að finna þennan styrk.

Takk aftur fyrir mig
Erla

sæl

Ég byrjaði á netnámskeiðinu Lærðu að elska þig af því að ég var eiginlega alltaf pirraður útí alla og þegar ég drekk rífst ég alltaf við einhvern ég lenti í slag í fyrra sem mér leið mjög illa yfir lengi en gat samt ekki talað um það við neinn.
Ég hætti að fara út, þorði ekki að lenda í þessu aftur, lokaði mig af af því ég gat ekki sagt það við vini mína svo ég laug að þeim.
Mér fannst ég eiga skíta vini og fjölskyldu sem skildi mig ekki og þess vegna þurfti ég að ljúga að þeim.
Ég vildi ekki fara til sálfræðings því það gæti einhver frétt af því.

Svo fann ég þetta námskeið sem betur fer.
Fyrst fannst mér best að það veit engin að ég er í þessu þá þarf ég ekki að útskýra neitt og ég get hætt við og svona þú skilur…
Þú settir inn tónlist á námskeiðið sem á að hjálpa manni að læra og ég hlustaði á hana og fattaði að ég var að lesa margar blaðsíður í fyrsta skipti af því ég er örugglega lesblindur eða eitthvað og hef aldrei geta lesið.
Allt í einu þorði ég að hringja í vinkonu mína og biðja hana að hitta mig og margt svona breyttist.
Nenni ekki að djamma með strákunum hef róast mjög mikið og langar að gera eitthvað við lífið mitt, pældi aldrei í þessu lífi fannst það frekar ömurlegt áður sko.
..en svo fóru allir að spurja mig hvað kom fyrir þig maður ?
Ég vissi ekkert hvað ég ætti að segja en fannst það samt pínu flott að það tæki einhver eftir breytingunum en samt líka vont þá þurfti ég að viðurkenna að ég væri á þessu námskeiði.
Svo þegar þú bentir á Peaceful Warrior þá bauð ég einum vini mínum að horfa með mér á myndina af því ég treysti honum og hann spurði hvort ég væri að gera eitthvað eins og gæinn í myndinni.
Og ég laug því að honum að þú værir að vinna á Olís  ( þetta er nú skemmtilegt grín sem þú skilur ekki nema að hafa horft á þessa frábæru bíómynd )
En eftir þetta kvöld skildi ég hvað þetta var búið að gera mikið fyrir mig og breytingarnar urðu miklu hraðari því ég tók eftir að vinur minn var hálf öfundsjúkur æj þú veist þá varð þetta meira virði einhvern vegin og ég fór að gera meira, vera virkari á námskeiðinu

ég á æðislega fjölskyldu sem styður mig heldur betur svo auðvelt að sjá núna að ég var ógeðslega óánægður með mig og lét það bitna á öllum.
Takk Einar

Elsku Ósk hjálparhellan mín,
allt hefur bara batnað hjá mér, þolinmæði betri, ekki að kippa mér upp við stóra né smáa atburði, samskipti við fjölskyldu og ekki síst ég hef getað
fjarlægt mig frá fíklinum syni mínum á sama tíma sem samskiptin
við hann sem mann hafa stórum batnað.
Ég var ný búin að tapa það mikið af heilsu minni að ég get ekkert gengið að ráði og
varð að hætta fjallgöngu og leikfimi og var frekar súr,
en ég hef getað sætt mig alveg við það og tekið gleði mína aftur
sitjandi hér á stól haha.
Nei Ósk mín ég get bara ekki bent á
eitthvað eitt allt þetta námskeið breitti mér til hins betra.
Nú ætlar ömmu stelpan mín að raða öllu námskeiðinu saman í eina
möppu hér í tölvunni svo ég geti rifjað þetta upp eftir
hentugleika,
Ástar þakkir til þín elskulegi engill
kveðja
Hulda G

Sæl kæra Ósk,

Ég vil þakka þér kærlega fyrir þetta frábæra net-námskeið Lærðu að elska þig. Þó ég hafi alls ekki náð að gera öll verkefnin þá hef ég gert mörg og finnst alltaf frábært að fá póstsendinguna á mánudögum og horfa á vídeóbút á fimmtudögum, mikil vítamínsprauta. Ég hef sjálf verið í mikilli sjálfsvinnu undanfarin ár. Skilnaður, nánast kulnun og fleiri áföll urðu til þess að ég fór að vinna með sjálfa mig. Ég hef unnið við að hjálpa fólki í mörg ár en hafði aldrei farið sjálf í virkilega sjálfsskoðun og sjálfsvinnu fyrr en undanfarið og held þeirri vinnu áfram. Þetta námskeið kom á svo góðum tíma í þeirri sjálfsvinnu, hefur hjálpað mér m.a. að vera jákvæðari og mildari við sjálfa mig.

Það sem mér hefur fundist svo frábært við þetta námskeið er að þú tekur fyrir alla mikilvægustu þættina sem skipta máli þegar við erum að heila okkur og í góðri röð. Einnig tengingin við andlegu lögmálin finnst mér frábær. Ég hef lengi haft áhuga á andlegum málefnum en upplifði mig alltaf svolítið eina með þennan áhuga, talaði alls ekki við þetta um kollega, það var bara litið niður á það að trúa einhverju svona óvísindalegu! Man að ég las Creative Visualization á síðasta ári í framhaldsskóla og ákvað að prófa þetta, sá fyrir mér hvað ég mundi fá í einkunn um vorið og að ég fengi verðlaun í einu fagi. Fékk akkúrat þessa einkunn og verðlaunin!

Aftur, kærar þakkir fyrir frábæra námskeiðið þitt, gleðina og ljósið sem þú kemur áfram til fólks  Þú ert frábær fyrirmynd, hvað þú ert þú sjálf og dvelur í jákvæðninni.  Stundum er bara gott að hlusta á vídeóbút frá þér, það hjálpar manni einhvern veginn að komast sjálfri á betri stað. Þarf fleiri svona fyrirmyndir, alltof margir því miður sem láta varnarhættina, grímuna vera í forgrunni.

Aftur takk takk, mun hiklaust mæla með þessu námskeiði. Þeir sem eru illa staddir þyrftu frekar einstaklingsmeðferð/-viðtöl en fyrir mjög marga er svona netnámskeið alveg pottþétt virkilega gagnlegt 😊

HB

Hæ hæ

Netnámskeiðið Lærðu að elska þig er sett fram á fjölbreyttan hátt sem gerir það meira spennandi og skemmtilegt. Mánudagar eru í miklu uppáhaldi núna og myndböndin nýti ég á hverjum degi, ég hlusta ýmist á hluta eða allt videoið og er búin að hlusta á flest þeirra mörgum sinnum en finnst ég alltaf heyra eitthvað nýtt. Ég hef verið að elta youtube efni og fleira sem þú setur aukalega inní hópinn og hef kynnst svo mikið af áhugaverðum einstaklingum og sé ekki fram á að verða uppiskroppa með námsefni í framtíðinni. Þetta finnst mér svakalega mikill plús því það var hvergi nefnt í lýsingunni að maður fengi svona mikið af hjálparefni.
Æfingarnar sem eru á námskeiðinu hljóta að vera úthugsaðar því eins og þær virka einfaldar þá fannst mér alltaf eins og það væri ekki hægt að upplifa meiri breytingar á manni sjálfum. Ég hef ekkert reynt við öll aukaverkefnin sem mér sýnist vera 15-20 og hlakka sjúklega til að gera þau og finnst það líka annar risa jákvæður factor að ég má koma aftur og gera þau undir þinni handleiðslu.

Mér finnst að þetta ætti absolutt að vera kennt í skólum ég hefði fílað að læra þessi fræði og hafa þessa sýn á lífið og þá ró sem ég finn fyrir núna töluvert fyrr því þá hefði ég sloppið við mikið af vandamálum.
þakka þér fyrir  mig og mitt nýja líf.
Maja

sæl Ósk

Netnámskeiðið hefur breytt ansi miklu hjá mér.
Eftir að hafa reynt í mörg ár að komast út úr hjónabandinu þá fékk ég loksins kjarkinn til þess.
Fékk fína íbúð sem er opinn og björt og nú get ég sinnt sköpunargleðinni minni aftur og farið að mála, en ég hef ekki haft áhuga á því í mörg ár.
Fattaði líka fyrir stuttu að mig hlakkaði loksins til að fara heim eftir vinnu, en síðustu ár hefur kvíði og vanlíðan hellst yfir mig þegar vinnutíma var að ljúka því mig langaði alls ekki heim og var ég ekkert að flýta mér þangað.
Mér líður miklu betur er bjartsýnni og meira lifandi
B R

Kæra Ósk

Hæ hæ